Personleg Assistent

Aurland kommune
Skjerdalsvegen 31, 5745 Aurland, Hjemmekontor ikke mulig
Om jobben
Stillingstittel
Personleg assistent
Type ansettelse
Vikariat, deltid 80%
Arbeidsspråk
Norsk
Antall stillinger
1
Søk senest fredag 25. juli
Om stillinga
Me har ledig 80 % mellombels stilling som brukarstyrt personleg assistent til ein mann med behov for assistanse i kvardagen. Stillinga er eit vikariat, og er ledig frå oktober 2025.
Brukaren vekslar på å bu i eige husvære saman med familien, og i avlastningsbustad. Som personleg assistent er du ein del av kvardagen til brukaren og familien hans.
Brukarstyrt personleg assistanse er organisert under kommunalområde helse og omsorg, ved avdeling bu og miljø i Aurland kommune.
Me gir omsorg og oppfylging til brukarar med ulike behov. Der meistring av kvardagslege aktivitetar og sosial deltaking står i fokus. Som brukarstyrt personleg assistent vil du få høve til å gjere ein stor forskjell i kvardagen for eit anna menneske. Kvardagen er variert og gjevande, med gode vilkår. Stillinga inneheld for tida lange vakter i vekedagene, og arbeidshelg ein gang per månad.
Arbeid og ansvarsområde
Du vil fylgje på arrangement, aktivitetar og i andre sosiale samanhengar, etter ynskje frå brukaren.
**Han treng også hjelp til**:
forklaring / formidling
transport
daglege gjeremål
personleg stell
trening
ernæring
helseoppfylging
hjelpemidlar
andre praktiske og daglege gjeremål
Me tilbyr
bli ein del av ein triveleg arbeidsplass der arbeidsmiljø står i sentrum
gode pensjons
- og forsikringsordningar
løn etter etter tariff
minimum 6 år ansiennitet for fagarbeidarar
ekstra laurdag og søndagstillegg (+ kr 10 over tariff)
gratis inngang til treningsrom i Aurlandshallen (førebels ut året 2025)
gratis inngang til symjehallen (førebels ut året 2025)
å formidle kontakt med utleigar av ledige husvære
eventuell informasjon om ledige stillingar til partnar, samt moglegheit for utlån av kontorfasilitetar (kontorhub)
barnehageplass i Aurland barnehage
Sjå gjerne informasjonsbrosjyre om kommunen vår her.
Kvalifikasjonar
fagbrev helsearbeidarfaget er ein fordel, men ikkje eit krav for tilsetjing
erfaring frå arbeid i helse og omsorg er ynskjeleg
personlege eigenskapar er ein viktig del av kvalifikasjonsvurderinga for denne stillinga
Personlege eigenskapar
**Me vil at du**:
syner respekt og er lyttande
er fleksibel og tilpasningsdyktig
er god til å kommunisere og samarbeide
er ein god lagspelar
bryr deg og syner omsorg
er roleg og tolmodig
Løns
- og tilsetjingsvilkår
tilsetting, løn og arbeidsvilkår i samsvar med gjeldande lovverk, reglement og tariffavtale
førarkort klasse B
politiattest etter helse
- og omsorgstenestlova
Krav til språk
Du bør kommunisere godt på norsk, både munnleg og skriftleg. Aurland kommune nyttar nynorsk som målform.
Generell informasjon om søknadsprosessen
Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette og grunngje valet i søknadsteksten. Me tek kontakt med søkjarar som har bedt om dette, dersom me meinar at grunngjevinga ikkje er tilstrekkeleg.
Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere.
NB Me overfører tilsette direkte til lønsystemet vårt, det er difor veldig viktig at du skriv namnet ditt slik det er registrert i folkeregisteret når du søker stilling, samt at du skriv med stor forbokstav.
Me ynskjer deg velkomen som arbeidssøkar i Aurland kommune.
Kontaktpersoner for stillingen
Gerd Irene Turlid Thy
arbeidsleiar
Catrine Moberg-Jordalen
avdelingsleiar bu og miljø
Om bedriften
Aurland kommune ligg vakkert til ved Sognefjorden, sentralt ved E16 mellom Oslo og Bergen. Me ynskjer å vera Noreg sin fremste kommune på heilårsturisme, og har eit mangfaldig næringsliv i vekst. Me er om lag 1 820 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge oppvekstkår, nærings
- og bustadutvikling og god tenesteyting. Kommunen har gode kultur
- og idrettstilbod både for små og store, som til dømes basseng, kulturskule, klatring, handball, fotball, friidrett og boksing.
På kulturskulen kan ein få opplæring i gitar, trommer, bass og biletkunst m.m. Aurland er ei naturperle og ideelt for fjellturar, jakt og fiske. Nærøyfjorden og Aurlandsfjorden er på UNESCO si verdsarvliste for det spektakulære fjell
- og fjordlandskapet. Det er kort veg til Myrkdalen, Vatnahalsen, Sogndal og Hemsedal om du likar å gå langrenn eller vil i slalåmbakken. Vil du nyte god mat, har me restaurant, kafé, bryggeri, og bakeri.
Sektor
Offentlig
Nettsted
Annonsedata
Stillingsn

---